O son da New Wave igual non sería o mesmo se o proxecto capitaneado por Midge Ure, Ultravox, non saíse á luz. A andaina do grupo púxose en funcionamento a mediados dos anos setenta e tras asinar un trallazo como "Vienna" en 1980, a banda editou un novo traballo co que seguir afondando nun xénero que practicamente contribuíra a inventar. Sería difícil que en Quartet (1982) se atopara outra canción do mesmo nivel ca "Vienna", pero non por iso hai que desmerecer un traballo composto por unhas magníficas cancións que manteñen a calidade dos anteriores álbums de Ultravox. Unha das cancións de Quartet que aínda segue namorando é "Hymn", tema que cada pouco conta cunha versión pensada para as pistas de baile, pero que apenas son un espectro da orixinal. Posiblemente sexa tras "Vienna" a mellor canción de Ultravox.
Co voso permiso, imos prescindir de boa parte desas versións discotequeiras de "Hymn" para quedar coa máis curiosa que atopamos, en clave folk rock. Mägo de Oz fixo unha adaptación ó castelán no álbum Gaia II: la voz dormida (2005) co título "Mañana empieza hoy".
Ningún comentario:
Publicar un comentario