Os pioneiros do rock and roll crearon un amplo repertorio que surtiu de influencias a toda unha xeración de músicos que fixeron do rock o gran aladid da música contemporánea. As cancións de Chuck Berry foron das preferidas por moitos mozos, que se animaron a probar sorte cunha guitarra versionándoas ó tempo que construían a base das súas propias cancións, que ó principio imitaban o estilo do músico de Missouri. En 1956 cando o rock and roll xa era unha realidade filmouse a película Rock, Rock, Rock na que participaban algunhas das estrelas do momento, como o propio Berry, que contribuíu á banda sonora con catro cancións, entre elas "You Can't Catch Me", que foi unha de tantas que marcou ás novas xeracións.
Cando os Beatles editaron Abbey Road (1969) houbo algo de controversia coa canción "Come Together", escrita por Lennon, xa que segundo a discográfica de Berry, tiña unha melodía moi parecida á da canción "You Can't Catche Me", e polo tanto os catro grandes de Liverpool virónse envoltos nunha acusación de plaxio que se resolveu, entre outras medidas, co compromiso de John Lennon de versionar "You Can't Catch Me", cousa que se produciu no álbum de versións que John Lennon publicou en 1975 co título Rock 'n' Roll.
A versión de John Lennon de "You Can't Touch Me" quedou así e pode observarse que o parecido con "Come Together" é aínda máis acusado que na versión orixinal de Chuck Berry.
Aerosmith fixo a versión máis coñecida do "Come Together". Está recollida no álbum tributo ós Beatles Sgt. Pepper's Lonely Hears Club Band (1978), onde baixo a produción de George Martin, varios artistas homenaxeaban ós de Liverpool.
Ningún comentario:
Publicar un comentario